மத நல்லிணக்கம்

தொந்தி பிள்ளையாருக்கு
தோப்புக்கரணம் நூறு போட்டு
பாஸ்மார்க் எடுத்தவனை
விடியலுக்கு முன் எழுப்பி
படிக்கவைத்தது ...
மாதாக்கோவில் மணியோசை ...

தவம்

உருவெடுத்த தாயின் கருவறையும்

உயர்வு கொடுத்த தந்தையின் தோள்ப்பட்டையும்

கல்வி தந்த குருகுலமும்- என்

நலம்விரும்பிய நட்புபலமும்

என்னில் கலந்த வாழ்க்கை துணையும்

நெஞ்சை நிமிரச்செய்யும் பிள்ளைகளையும்

எள்ளும் குறைவிலா ..

எண்ணற்ற பிறவிகள்

இந்திய மண்ணில்

தமிழனாய் பிறந்திட

தவமிருப்பேன் ....